Тоо томьёотой, ур чадвар skill-тэй, хэлтэс бүр төлөвлөгөөтэй
Хичээлийн материалыг хэвлэх боломжгүй. Дадлагын дэвтрийг «Дасгал ажил» хэсгээс татаж хэвлэнэ үү.
Excel → томьёотой тайлан → dashboard
Борлуулалтын файлаас SUMIFS томьёотой Excel, түүнээс удирдлагын нэг дэлгэцийн dashboard. Тоо бүрийг тулгана.
Skills · Connectors · Plugins
Бэлэн 2 skill суулгаж маркетингийн контент бичүүлнэ. Өөрийн давтагддаг ажлаар skill бүтээнэ.
Хэлтсийн AI төлөвлөгөө
Claude хэлтсээс асуулт асууж загварыг хамт бөглөнө. 3-р өдрийн n8n, Zapier ажлын суурь.
2026.10.27 · 10:00–13:00
Гурван Бухат Групп. Багш: Д. Болорцэцэг. Өглөө 9:00–10:00 Zapier-ийн хичээлийн дараа.
Энэ хуудсыг хэрхэн ашиглах вэ
Хичээлийн материал
«Слайд», «Алхам алхмаар» болон «Ёс зүй ба тусламж» хэсгийг энэ хуудсан дээр үзнэ. Татах боломжгүй.
Дасгал ажил
Дадлагын дэвтэр, Excel файл, 2 skill, төлөвлөгөөний загвар, бэлэн заавар (prompt). «Дасгал ажил» хэсгээс татаж, хуулж авна.
Хичээлийн өмнө бэлтгэх зүйлс
Өчигдөр та Project үүсгэж, хавтас холбож, судалгаа хийлгээд dashboard угсарсан. Өнөөдөр гурван алхам урагшилна: тоог томьёогоор баталгаажуулах, нэг удаа заасныг skill болгож хадгалах, хэлтэс бүр 3-р өдөр автоматжуулах нэг ажилтай болох. Бүх дадлага Free хаяг дээр хийгдэнэ.
| Юу | Хэзээ | Тайлбар |
|---|---|---|
| Зөөврийн компьютер, цэнэглэгч | Урьдчилан | Chrome хөтөч шинэчлэгдсэн байх |
| Claude бүртгэл | Урьдчилан | Өчигдрийн бүртгэл. Free хангалттай |
| Файл үүсгэх тохиргоо | 10:00 хүртэл | Settings → Capabilities → Code execution and file creation асаалттай |
| Нууцлалын тохиргоо | 10:00 хүртэл | Хувийн хаяг бол Settings → Privacy → Help improve Claude унтраах |
| Excel эсвэл Google Sheets | Урьдчилан | Томьёо шалгахад хэрэгтэй |
| Ажлын Google бүртгэл | Сонголтоор | Drive, Gmail connector туршихад (2-В) |
| Хэлтсийнхээ давтагддаг 3 ажлын жагсаалт | Урьдчилан | Дадлага 3-т: ажил, давтамж, зарцуулдаг цаг |
| Гэрийн даалгаврын лабуудын үр дүн | Урьдчилан | Асуултаа 10:00–10:10-д асууна |
Нэр томьёо: программын товчны нэрийг (Customize, Upload a skill гэх мэт) англиар үлдээсэн. Бусдыг анх дурдахдаа монголоор, хаалтанд англиар бичсэн, жишээ нь ур чадвар (skill), холболт (connector).
Хичээлийн 9 блок
Давтлага, гэрийн даалгаврын асуулт, тохиргоо шалгах
Томьёо = нотолгоо · Free багц · Project, Skill, Connector, Plugin
Багш Excel → dashboard-ыг skill-ээр нэг prompt-оор үзүүлнэ
Дадлага 1: заавар 1-1 – 1-4, багштай хамт
Завсарлага
Дадлага 2: skill суулгах, контент, өөрийн skill, нотолгоо
Дадлага 3: хэлтсийн AI төлөвлөгөө
5 асуулт, A/B/C/D карт өргөнө
Нэг өгүүлбэрийн эргэцүүлэл, гарах карт
3 хэлтэс төлөвлөгөөгөө 4 минутаар танилцуулж, санал авна
Дадлагын дэвтэрт дадлага бүрийн шалгах жагсаалт бий. Хичээлийн төгсгөлд хэлтсийн төлөвлөгөөгөө багшид илгээнэ.
Хичээлийн слайд
Мэдлэгийн шалгалтын хариултыг хичээл дээр багш тайлбарлана. Сум товч, гарны ← → эсвэл шудрах хөдөлгөөнөөр шилжинэ.
Алхам алхмаар заавар
Заавар (prompt)-ыг «Дасгал ажил» хэсгээс хуулж авна. Дөрвөлжин хаалттай [хэсгийг] өөрийнхөөр сольно.
1. Excel → томьёотой тайлан → удирдлагын dashboard
Зорилго: тоог Claude «хэлж өгөх» биш, томьёотой Excel файл гаргуулж, түүнээсээ dashboard хийх. Томьёотой бол хэн ч нүд дээр дарж шалгана.
- Өчигдрийн Project-оо нээ эсвэл «ГБ — Удирдлагын тайлан» нэртэй шинэ Project үүсгээд
01_Борлуулалтын_мэдээлэл.xlsx-ийг хавсарга. - 1-1 заавраар өгөгдлийг ойлгуул. Шинжилгээ хараахан хийлгэхгүй.
- 1-2 заавраар томьёотой Excel гаргуулж, татаж аваад Excel-ээр нээ. «Тойм» хуудасны нүдэн дээр дарж томьёо байгааг шалга.
- Нэг тоог (жишээ нь Орон сууцны нийт дүн) «Өгөгдөл» хуудсанд filter хийж гараар тулга.
- 1-3 заавраар dashboard хийлгэ. 1-4 заавраар тоо бүрийг Excel-тэй тулгуул.
- Цаг үлдвэл өөрийн хэлтсийн анонимчилсан Excel файл дээр давт.
| Хүлээгдэж буй үр дүн | Ойролцоо утга |
|---|---|
| Нийт борлуулалт | ≈ 114.7 тэрбум ₮, 837 гүйлгээ |
| Орон сууцны эзлэх хувь | ≈ 73%. Худалдааны талбай 13 гүйлгээгээр ≈ 17% |
| м²-ийн дундаж үнэ | Хангай ≈ 6.6 сая ₮ · Нарлаг ≈ 5.5 · Өргөө ≈ 4.8 · Тэс ≈ 3.2 |
| Анхаарах зүйл | Тэс апартментын гүйлгээ 7-р сараас сард 2–3 болж буурсан |
- «Тойм» хуудасны нүдэнд тоо биш томьёо харагдсан
- Нэг тоог «Өгөгдөл» хуудсанд гараар тулгасан
- Dashboard-ын тоо Excel-тэй таарсан (1-4)
- «Анхаарах 3 зүйл» тоонд тулгуурласан, зохиосон шалтгаангүй
2-А. Бэлэн skill суулгах (12 мин)
- Settings → Capabilities → Code execution and file creation асаалттай эсэхийг шалга. Skill үүнгүйгээр ажиллахгүй.
- «Дасгал ажил» хэсгээс
gb-marketing-content.zip,gb-management-dashboard.zip-ийг тат. Задлахгүй. - Customize → Skills → + → Create skill → Upload a skill → ZIP-ээ сонго. Хоёуланг нь суулгаж, асаалттай эсэхийг шалга.
- ШИНЭ ярианд 2-А заавраар контент бичүүл. Claude skill уншиж байгааг ажигла.
- Үр дүнд
[ҮНЭ],[УТАС]гэсэн хоосон талбар, «Нийтлэхээс өмнө шалгах» хэсэг байгаа эсэхийг шалга.
2-Б. Өөрийн skill бүтээх (12 мин)
- Хэлтэстээ давтагддаг нэг ажлыг сонго (гэрийн даалгаврын Лаб 6-ын prompt-оо ашиглаж болно).
- 2-Б заавраар Claude-д skill бүтээлгэж, асуултад нь хариул.
- Гарсан ZIP-ийг татаж аваад 2-А-гийн 3-р алхмаар суулга. Шинэ ярианд туршиж үз.
2-В. Connector ба Plugin (6 мин)
- Customize → Connectors → Google Drive эсвэл Gmail-ийг сонгож нэвтэр. Зөвхөн ажлын хаяг, байгууллагын зөвшөөрлөөр.
- 2-В заавраар турш. Claude ямар зөвшөөрөл асууж байгааг ажигла.
- Plugin (демо): багш Pro хаягаар Customize → Plugins → Discover → Add хийж, доторх skill, connector-уудыг үзүүлнэ. Plugin Free багцад байхгүй.
- Skills жагсаалтад 2 жишээ skill асаалттай
- Контентод нотолгоогүй «хамгийн», «№1» гэх үг ороогүй, үнэ зохиогоогүй
- Өөрийн skill-ийн description-д «хэзээ ашиглах» тодорхой
3. Хэлтсийн AI төлөвлөгөө
- Хэлтсээрээ 3–5 хүнээр сууна. Нэг хүн Claude дээр бичнэ.
06_Хэлтсийн_AI_төлөвлөгөө.docx-ыг Claude-д хавсаргаад 3 заврыг ажиллуул.- Claude-ын асуултад хэлтсээрээ ярилцаж хариул (15 мин).
- Гарсан төлөвлөгөөг уншиж засна: тоо бодит уу, хариуцагч тодорхой юу (10 мин).
- Эрсдэлийн хэсгийг «Ёс зүй ба тусламж» дахь дүрмүүдтэй тулга.
- 12:45-аас 3 хэлтэс 4 минутаар танилцуулна. Тэргүүлэх 1 ажлыг 3-р өдөр n8n, Zapier-аар автоматжуулна.
| Ажлын төрөл | Хэрэгсэл | Жишээ |
|---|---|---|
| Бичих, дүгнэх, шинжлэх | Claude | Сарын тайлан, гомдлын хариу, гэрээний хураангуй |
| Апп хооронд мэдээлэл дамжуулах | Zapier | Маягтаас ирсэн хүсэлтийг Sheet-д бичиж, имэйл илгээх |
| Олон алхамтай, нөхцөлтэй урсгал | n8n | Шинэ захиалгыг шалгаж, AI-аар ангилаад хариуцагчид хуваарилах |
- Алхам бүрт хариуцагч нэртэй
- Хэмжүүр хэмжиж болохуйц (цаг, тоо, хоног)
- Нууц өгөгдлийг анонимчлах арга бичигдсэн
- 3-р өдрийн урсгалын эхлүүлэгч (trigger), гаралт тодорхой
Дасгал ажил
Доорх файлуудыг татаж авна уу. Татах товч дарахад файлын нэр, хэмжээг харуулсан баталгаажуулах цонх гарна.
Дадлагын дэвтэр
3 дадлагын бүрэн заавар, хүлээгдэж буй үр дүн, шалгах жагсаалт. Компьютер дээр нээж эсвэл хэвлэж ашиглана.
Claude_2r_odor_dadlagyn_devter.docx
Борлуулалтын мэдээлэл
837 мөр, 12 сарын зохиомол борлуулалт: орон сууц, худалдааны талбай, зогсоол, барилгын материал.
01_Borluulaltyn_medeelel.xlsx
Маркетингийн контентын skill
Брэндийн өнгө аяс, пост, видео скрипт, зарын бүтэц. Задлалгүйгээр Customize → Skills-ээр суулгана.
gb-marketing-content.zip
Удирдлагын dashboard-ын skill
Томьёотой Excel, dashboard, тулгалтын дараалал. Дадлага 1-ийг нэг prompt-оор давтахад.
gb-management-dashboard.zip
Хэлтсийн AI төлөвлөгөөний загвар
6 хэсэгтэй бөглөх загвар. Claude-д хавсаргаж 3-р заавраар бөглүүлнэ.
06_Heltsiin_AI_tolovlogoo.docx
Компанийн танилцуулга (жишээ)
Project-д оруулж турших жишээ баримт. Журмын хэсэг зохиомол.
04_Kompaniin_taniltsuulga.docx
Бэлэн заавар (prompt)
Дөрвөлжин хаалттай [хэсгийг] өөрийн мэдээллээр сольж хэрэглэнэ үү.
Өгөгдлийг ойлгох
Хавсаргасан борлуулалтын файлыг код ашиглан уншиж, бүтцийг нь тайлбарла: 1. Мөрийн тоо, хугацааны хүрээ. 2. Багана бүрийн утга — нэг өгүүлбэрээр. 3. Хоосон, давхардсан, хачин утга байгаа эсэх. Одоохондоо шинжилгээ хийхгүй. Монгол хэлээр, хүснэгтээр.
Томьёотой Excel тайлан
Энэ өгөгдлөөс удирдлагын тайлангийн Excel файл үүсгэ. - «Өгөгдөл» хуудас: эх өгөгдөл өөрчлөлтгүй + «Сар» туслах багана (=LEFT(A2,7)). - «Тойм» хуудас: бүх тоо ТОМЬЁОГООР (SUMIFS, COUNTIFS). Тоог хатуу бичихгүй. 1. Нийт дүн, нийт гүйлгээний тоо. 2. Бүтээгдэхүүний бүлгээр: дүн, гүйлгээ, эзлэх хувь. 3. Төслөөр (Төсөл_брэнд): дүн, гүйлгээ. 4. Сараар: нийт дүн. 5. Барилгын материал (Нэгж = тн): сараар нийт тонн. 6. Тэс апартмент: сараар гүйлгээ ба дүн. 7. Орон сууцны 1 м²-ийн дундаж үнэ төслөөр (дүн ÷ м²). - Тоо #,##0 форматтай, гарчиг тод. Эцэст нь ашигласан томьёонуудын жагсаалтыг бич.
Удирдлагын dashboard
«Тойм» хуудасны тоонд үндэслэн гүйцэтгэх захиралд зориулсан нэг дэлгэцийн dashboard-ыг artifact болгон хий: - Дээр 4 KPI карт: нийт борлуулалт, гүйлгээний тоо, орон сууцны эзлэх хувь, орон сууцны м²-ийн дундаж үнэ. - Сар тутмын борлуулалт (багана график), бүтээгдэхүүний бүлгийн эзлэх хувь. - Барилгын материалын тонн сараар, Тэс апартментын гүйлгээний хандлага. - «Анхаарах 3 зүйл» — тоонд тулгуурласан, богино. Өнгө: хар #111111, алтан #C9A86A, цагаан дэвсгэр. Монгол хэлээр. Их дүнг «тэрбум ₮» гэж бич.
Тулгалт
Dashboard дээрх тоо бүрийг Excel-ийн «Тойм» хуудасны аль нүднээс авсныг хүснэгтээр харуул: Үзүүлэлт | Dashboard-ын тоо | Excel-ийн нүд | Таарсан эсэх. Зөрүү байвал заа.
Маркетингийн контент (skill-ийг турших)
Хангай резиденсийн 2 өрөө байрыг үзлэгт урих зорилгоор бич: 1. Facebook пост, 2. Instagram caption, 3. 30 секундын видео скрипт.
Өөрийн skill бүтээх
Надад Claude skill бүтээхэд тусал. Миний хэлтэс: [хэлтэс]. Давтагддаг ажил: [ажил]. Эхлээд надаас 5 хүртэл асуулт нэг нэгээр асууж тодруул: оролт, гаралтын хэлбэр, дүрэм, хориглох зүйл, жишээ. Дараа нь SKILL.md (name, description-тай) бүхий хавтсыг ZIP файл болгон гарга. Нэрийг латин жижиг үсгээр, зураасаар бич (жишээ: gb-hr-zar). Description-д «хэзээ ашиглах»-ыг тодорхой бич — Claude үүгээр skill-ийг идэвхжүүлдэг.
Connector турших
Миний Drive-аас нэрэндээ «тайлан» гэсэн үгтэй сүүлийн 3 файлыг олж, тус бүрийг 2 өгүүлбэрээр товчил. Файлын холбоосыг хавсарга.
Хэлтсийн AI төлөвлөгөө
Чи байгууллагын AI нэвтрүүлэлтийн зөвлөх. Бид Гурван Бухат Группийн [хэлтсийн нэр]. Хавсаргасан загварыг бөглөхөд тусал. Алхам 1: Надаас нэг удаад нэг асуулт асууж (нийт 8-аас ихгүй) манай хэлтсийн давтагддаг ажлууд, тэдгээрт зарцуулах цаг, ашигладаг систем, өгөгдлийг тодруул. Алхам 2: Хариултад үндэслэн загварын 6 хэсгийг бөглө. Дүрэм: - Бидний хэлээгүй тоог зохиохгүй — «тодорхойгүй» гэж бич. - Хэрэгсэл сонгох: бичих, шинжлэх ажилд Claude; апп хооронд мэдээлэл дамжуулахад Zapier; олон алхамтай, нөхцөлтэй урсгалд n8n. - Нууц өгөгдөл оролцох бол анонимчлах аргыг бич. Гаралт: загвартай ижил бүтэцтэй Word файл.
Ёс зүй, хувийн мэдээлэл, эрсдэл
Claude-ын гаралтыг ашигласан ажилтан хариуцна. Доорх 7 дүрмийг чанд мөрдөнө үү.
- Хүн хянана. Удирдлагад очих тоо, гадагш явах бичиг, нийтлэх контентыг хүн шалгаж батална.
- Тоог тулгана. Тооцоолол шаардсан ажилд «код ашиглан тооц» гэж бичиж, томьёотой файл гаргуулж, дор хаяж нэг тоог гараар шалгана.
- Нууц өгөгдлийг оруулахгүй. Худалдан авагчийн нэр, регистр, утас, байрны тоот, гэрээний дугаар, ажилтны цалин, нийлүүлэгчийн үнийн нөхцөлийг анонимчлахгүйгээр оруулахгүй.
- Хувийн хаягийн тохиргоо. Free, Pro хаягаар ажлын мэдээлэлтэй ажиллах бол Settings → Privacy → Help improve Claude-г унтраана. Team, Enterprise багцад өгөгдлийг сургалтад ашигладаггүй.
- Skill-д нууц бичихгүй. SKILL.md файлд нууц үг, үнийн нууц нөхцөл, хувийн мэдээлэл оруулахгүй. Skill-ийг хуваалцахаас өмнө уншиж шалгана.
- Connector-д хамгийн бага эрх. Зөвхөн ажилд хэрэгтэй системээ, ажлын хаягаар холбоно. Хувийн төхөөрөмж дээр сургалтын дараа салгах эсэхээ шийднэ.
- Зохиосон тоо, амлалт байхгүй. Үнэ, хөнгөлөлт, хүлээлгэн өгөх хугацаа, «хамгийн», «№1» зэргийг баталгаагүйгээр бичихгүй. Мэдэхгүй бол «тодорхойгүй».
Алдаа гарвал
| Шинж тэмдэг | Шалтгаан | Шийдэл |
|---|---|---|
| Файл татах товч гарахгүй, Excel үүсэхгүй | Code execution унтраалттай | Settings → Capabilities → Code execution and file creation асаана |
| Skill upload алдаа заана | ZIP задарсан, эсвэл дотор нь хавтас ба SKILL.md байхгүй | Татсан ZIP-ийг задлалгүй шууд оруулна. Өөрийн skill бол Claude-аар ZIP-ийг дахин гаргуулна |
| Skill идэвхжихгүй байна | Skill унтраалттай, эсвэл хүсэлт description-д тохирохгүй | Customize → Skills-д асаана. Шинэ ярианд skill-ийн ажилтай тохирох хүсэлт бичнэ |
| Excel-д томьёо биш тоо бичигдсэн | Заавар «томьёогоор» гэдгийг тодорхой хэлээгүй | «Тойм хуудасны бүх нүдийг SUMIFS/COUNTIFS томьёогоор дахин хий» гэж бичнэ |
| Dashboard-ын тоо Excel-тэй зөрсөн | Claude dashboard дээр дахин тооцсон | 1-4 заавраар тулгуулж, зөрсөн тоог Excel-ийн нүднээс авахыг шаардана |
| Мессежийн хязгаарт хүрсэн | Free багцын хэрэглээний хязгаар | Хөршийнхөө дэлгэцээр хамт хийнэ. Хязгаар хэдэн цагийн дараа сэргэнэ |
| Connector холбогдохгүй | Байгууллагын Google бүртгэлд гадны апп хориглосон | IT-гаас зөвшөөрөл авна. Түр хувийн туршилтын бүртгэлээр үзэж болно |
Багцын тойм
Сарын зардал, нэг хүнд (2026 оны 10-р сарын байдлаар):
| Багц | Үнэ | Тайлбар |
|---|---|---|
| Free | $0 | Skills, connectors, файл үүсгэх, 5 хүртэл Project. Хэрэглээ хязгаартай |
| Pro | $20 (жилээр $17) | Opus, хязгааргүй Projects, Research, Claude Code, Plugins |
| Team | $25 (жилээр $20) / хүн | 2–150 хүн, хуваалцсан Projects, admin, SSO. Сургалтад өгөгдөл ашиглахгүй |
| Enterprise | $20 / хүн + хэрэглээ | 20+ суудал, SCIM, audit log, тусгай хадгалалтын хугацаа |
Эх сурвалж: claude.com/pricing, Use skills in Claude, Use plugins in Claude. Багц авахаасаа өмнө албан ёсны сайтаас шалгана уу.
Асуулт байвал
info@aiglobal.mn · 8909-7454